Olladas de Perto

Para recuperar unha iniciativa de hai máis de 3 anos, Patricia Sabin+Enrique Blanco e Carlos Pita, están a preparar para as primeiras semáns de Febreiro a III Edicion das Olladas de Perto. Durante as mañans de dous mercores (os días 4 e 11), un total de sete estudios galegos falaran sobre a arquitectura que están a facer e o seu posicionamento nos primeiros anos de exercicio profesional. Nesta edición van participar KEL Arquitectos, Patricia Alonso&Javier Rivadulla, CDG Arquitectos, Novan&Vesson, Alfredo Sirvent, MMASA Arquitectos e Miguel Camba.

Universidade Invisibel

A Universidade Invisibel naceu hai uns meses na Coruña "coa vontade de contribuír a espallar novas formas de relacións na producción de saberes e novos debates discursivos". Dentro da dinámica de reflexion sobre a sociedade contemporanea estanse a celebrar unha serie de debates introducindo diversas disciplinas. O vindeiro martes 3 de Febreiro, as 5 da tarde, vai participar o colectivo Ergosfera coa presentación "Mecanismos de ampliación de la democracia en el espacio público 'real'".

Conferencias en Formatos

No adormecido panorama cultural coruñes a iniciativa da Libraria Formatos de organizar de xeito periódico pequenas actividades culturais é toda unha revolución. A colaboración da iniciativa privada na difusión da arquitectura era practicamente inexistente pero este novo compromiso coa cultura de Ramón e Jose Manuel, a bo seguro vai animar a outros a iniciar camiños semellantes. Un camiño de comprimiso que iniciaron hai máis de dez anos cunha pequena libreria e que se pode percibir na sua coherencia persoal e confianza na arquitectura contemporanea en cada unha das suas actuacións, xa sexa nesta nova aventura de difusión cultural, na reforma do novo local confiando en Jorge Meijide, nas fotografías de Hector Santos ou o apoio constante os Encontros de Arquitectura.
Nesta nova aventura, baixo a coordinación de Alberte Perez, comenzaron o pasado xoves as presentacións que, de ser posible, vanse desenvolver os xoves de cada duas ou tres semáns. O primeiro convidado foi o profesor da Universidade de Coimbra, arquitecto Jose Antonio Bandeirinha que reflexionou sobre as transformacións sociais e arquitectónicas dos SAAL portugueses. Desde unha contextualización ampla, detallou algunhas das intervencións que, co impulso de Nuno Portas no goberno e a capacidade dunha xeración destacada de arquitectos, viñeron a transformar a idea de vivenda colectiva nos anos setenta nas cidades portuguesas.

A Arquitectura desde Galicia

Durante esta seman celebrouse o nos consello da Cultura Galega una reflexión sobre o xeito de facer arquitectura en Galicia. Dous días para desmenuzar intencións e obxetivos de doce arquitectos galegos en representación dun conxunto de máis de tres mil. O animo do Consello, e en especial da sección de arquitectura, foi exemplarizante e a pesares de non ter chegado, como é habitual, a unha gran maioria da poboación, serviu para xuntar máis dun cento de profesionais preocupados polo que se está a facer. Botabase en falta unhas xornadas coma estás e so queda, unha vez máis incidir na necesidade de transpasar a paredes dos lugares de reunión: os arquitectos necesitamos a sociedade para traballo e deben ser os principais receptores da nosa mensaxe. O maior problema de todos estas xuntanzas é o costume de falar so para nos mesmos.
Os dous dias concluiron con debate sobre a nova xeración de arquitectos galegos. O debate, lamentablemente non existiu o tentar que esta nova xeración de arquitectos respondese a existencia ou non dun identidade propia da arquitectura galega. Foi o remate a unha situación habitual na que moitos pretenden seguir afirmando que non existen xeracións de arquitectos e que todos estamos no mesmo barco. Non fondo non é mais que a insistencia permanente de desacreditar outras arqutecturas. Hoxe que estamos nunha situación favorable para o recoñecemento xeral do papel do arquitecto, as institucións deberian facer un esforzo de obxetivade ou ben para potenciar o papel dos novos arquitectos ou, o que deberia ser a primeira opcion, permitir escoitar no mesmo plano a novos e maiores dende unha analise real da obra construida.